Gelöksexpres zóndig 9 juni
Jos Smits krieg eerste Veldeke Sjeurkelender 2025
De börgemeister van Kitskensberg, zèt edere daag op zien facebook de Veldeke sjpreuk van de daag.
Jos Smits krieg eerste Veldeke-sjeurkelender 2025.
Op vriedig 5 juli 2024 is door Henk Giesbers, de achste Veldeke-sjeurkelender mit sjpreuke en gezèkdes oet Groot Remunj (Herte-Neel-Remunj-Zjwame) aangebaoje aan Jos Smits, de bórgemeister van Kitskensberg. Jos krieg dit eerste exemplaar ómdet hae op zien facebook edere daag sjpreuke en gezèkdes oet de kelender zèt en op dees meneer zien laezers leut preuve aan oos sjone dialect.
In deze kelender vinjt geer edere maondj get sjeldjwäörd die ós sjpontaan door versjillende miense waerde aangereik: altied mekkelik!
De teikening op de ómsjlaag van de kelender, ’t Munsterplein, is weer gemaak door de Remunjse kunsteneer Gerard Nizet. Gerard woont op dit moment in Portugal.
De Sjeurkelender kint ederein koupe veur € 14,95 bie de Póppedokter op ’t Munsterplein, bie de Bruna en bie Boum in de Neersjtraot, bie de Kleine Tovenaar in Neel en bie Boekado van Heijster in Zjwame.
Alle leje van Veldeke Remunj kriege de kelender graties. Aaf te haole bie de Póppedokter op 't Munsterplein toet half september. Half september gaon ze allemaol in de vrieje verkoup.
« Trök